Шолнаа

Шолнаа

– Эдуөн эл шукумэ нодолэк, - мони мэт ходьаа, шаал инэртэги йоодэ шолнаалэ. - Тудэл ходимиэдьэ дэ чорхой, аалэндьэ шаалэк иҥэртиэнумлэ, чомоодьэ чиэдьэгэ, иҥльоодьэ дэ, өҥдьэ, аалэндьэ шаал оогэн. Тамунгэ иркин щоромо мони: омосьэ ньаасьэй йоҥжааньаальэл, ходо иҥдьииньэт төнбэт таат иҥэртэтум.

– Ньиэдьиилэк льэл чуөльэ омниин параагэ бэдэк. Иркин пулут ньиэдьиильэл атахун уөҥоодьэ шоромопулҥин. Тудаа мэт уөҥоол параагэ иркин лигэй пулут мони ньиэдьиит, эдиҥ шолнаа сиилэндьэ ульэгэньи. Льорхаймэлэ шаалгэлэ тудэ сиилэй ульэгэгэлэ кэсиидэллэ ничач иҥэртэт көҥуйиит йургуушнум. Хоноҕо таҥ сиилэй ульэгэги мидьоол, монут мондьэ модот таҥ пулут мэдиидэгэ. Тамунгэ таҥ пулут мони: иилэ шоромо эл мэйнуҥи льорхайт, иилэ мэйнульэлҥаа.

Пугэмэ уөньэдэ параагэ шэшпэ укчиидэ эгужул йургуупэги төктэллэ ади, аҕидоот нойдииги надоҥоол. Кэбэйдэйнэ лэҥдэдин, таҥнуги төкки надо. Төктэллэ, нойдиит аҕии йуөги надоҥоол. Кэлдэллэ, шолнаа тудэ нумэ шэшчэ йургуугэлэ нуктэллэ, эл йоҕотут льорхадэллэ кэбэйтэй. Таҥ параагэ таҥ йургуу аал кэйлэй ньаажубэ кэнбэлэшки надо. Шолнаа кэлдэллэ, тудэ шэшпэ йургуугэлэ йургуштэм тудэ иисьэй йоҥжаалэ. Шэпинкэги тиҥидэ-таҥидэ мэруйиидэйнэ, дьэ таҥнуги ньумудьиин эбушнинкэ таҥ шааги чомоҕото сиилэлэ шапаҕадайги надо. Шолнаа, дьэ иркэйт, таа лөудэтум тудэ сиилэй ульэгэгэлэ шэпинкэнэ ньаҕаа таҥ кэйлэй ньаажубэгэ.

Тудэ саам мэрэйтэй, таҥ ньаажубэгэ омось йоттайк шэпинкэнэ иркилльэҥоон, таасилэ тамун ойньэй оожиигэ ильэттэк таҥ шэпинкэги. Таа омось йуөдэк, таҥ шэпинкэ молҕо таа льэти дьэльоноҥоодьэ ульэгиэдиэ. Ойлгэ оҕоотэй, эл эйрэт. Тамун омось лостобиидьэллэ минги надоҥоол.

Омось эл льорхачуөн минтэмик, тамун лэйдиик, өнмэгэ омось мойк, эдиҥ ульэгэлэ тэт мэт хамиэдьэштэйэк. Йуукэ лаҥин эйрэдин льэҥидэ, тэт нойгэ йодок, таат шаар нигийоодьоон уйааҥидэ ду, эксилэ кэбэйҥидэ ду тэт нугэнгэ йодок. Боусьэ эл ижулбэтчэк эйрэт тэ, уйт тэ.

Таатмиэдьэ нодок эдиҥ шолнаа, шоромо эдьиэнуй тудэ ульэгэдэлэ, иилэ шоромо эл эдьиэну льорхайт пульдьэгэдэйнум, таҥнуги таҥ шоромо эл эдьиэну. Йахадаасьэ, сиилэй скотэк шоромо мойл скотэк тудэл таҥ шолнаа ульэгэ лэйоон, йумуннульэл, иилэмэдэ тудэ саам ньоҕуйит амчииннуй.

Таатмиэ ньиэдьиилэк ньиэдьиириильэлмэлэ таҥ пулут. Тудэ саам таҥ шолнаа ульэгэлэ мэт хамиэдьэшльэл, уөҥоол параагэ, лэйдиит тамунгэлэ нингэй шоромок эдьиэттэльэлмэлэ.

Перевод

Дятел

– Эта птица не бесполезная, - говорил мой дядя, когда видел, как дятел долбит дерево. Он любое твердое, крепкое дерево долбит. Пусть даже дерево будет очень холодное, толстое, сырое, твердое. Мой дядя говорил:

– У дятла очень острый клюв, такой сильный и крепкий, это он позволяет долбить. Есть один рассказ из времен древних людей. Раньше, когда я был молодым, один старый человек рассказывал двум молодым людям, что у этого дятла есть сильная трава. Какое дерево не может долбить, приносит свою сильную траву и сразу же долбит и раскалывает. Я спросил, того старика, как бы эту сильную траву взять. Тогда тот старик сказал, что некоторые люди не могут ее взять, а некоторые берут.

Летом, когда у дятла есть птенцы и он улетит за едой, надо его дыру, через которую он входит и выходит, закрыть. Закрыв, надо караулить, спрятаться и смотреть. Когда дятел прилетит, он найдет дыру в свой дом, но не сможет ее открыть и улетит. В это время под той дырой надо расстелить красный платок. Когда дятел прилетит, он снова начнет долбить дыру своей двери острым клювом, щепки разлетятся в разные стороны. Тогда надо обухом топора сильно ударить по щепкам. Дятел испугается и уронит свою сильную траву вместе с щепками на красный платок. А сам улетит.

Ты тот платок хорошенько заверни вместе с щепками, потом стряхни щепки в быструю воду. Хорошо смотри, посреди тех щепок будет зеленая трава, она в течении остановится, не поплывет никуда. Ее надо взять, хорошенько помолившись. Тогда ее возьмешь без труда, знай это.

Хорошо запомни, этой травой ты себе будешь помогать. Если захочешь пойти далеко, привяжи ее к ногам; если будешь делать тяжелую работу, или на лодке поедешь, привяжи ее к руке. Совсем не устанешь в дороге или за работой.

Такая вот птица дятел. Тот старик сам себе помогал травой дятла, когда был молодой. Если лошадь, самое сильное домашнее животное, поест той травы, она пьянеет, а иногда даже падает и умирает.

Йоулусьулпэ:
Ходит шолнаа шаалэк тольчиинумлэ?
Лэмэн ньиэдьиилэк ходьаа пундум?
Ходо сиилэндьэ ульэгэк миндин шолнаагэт?
Ходо таҥ ульэгэк шоромоҥин хамиэнум?

Тадиилоодьэ уйлэк:

Ходит шолнаагэлэ одулпэ таат ньуутиэльэлҥа?

Последнее изменение: Среда, 25 Май 2016, 11:20